ప్రభాస్ గురించి రాషా తడాని ఏమన్నారో తెలుసా?
ప్రభాస్ గురించి రాషా తడాని ఏమన్నారో తెలుసా? ఇంటర్వ్యూలో అసలు ఏం చెప్పిందంటే... బాలీవుడ్ సీనియర్ నటి రవీనా టాండన్ కుమార్తె రాషా తడాని (Rasha Thadani) ఇటీవల ఇచ్చిన ఒక ఇంటర్వ్యూలో రెబెల్ స్టార్ ప్రభాస్ గురించి మాట్లాడుతూ తన చిన్ననాటి జ్ఞాపకాన్ని పంచుకున్నారు. ప్రభాస్ పెంపుడు కుక్క 'బ్లూ'తో ఆడుకున్న రాషా ఇంటర్వ్యూలో రాషా మాట్లాడుతూ.. తనకు 11 ఏళ్ల వయసు ఉన్నప్పుడు ప్రభాస్ దగ్గర 'బ్లూ' (Blu) అనే ఒక సైబీరియన్ హస్కీ (Husky) జాతికి చెందిన కుక్కపిల్ల ఉండేదని చెప్పారు. ఆ కుక్కపిల్ల అంటే తనకు చాలా ఇష్టమని, దాంతో ఆడుకోవాలని ఉందని రాషా తన తల్లి రవీనా టాండన్తో చెప్పింది. ఈ విషయాన్ని రవీనా టాండన్ ప్రభాస్ దృష్టికి తీసుకెళ్లగా, ప్రభాస్ వెంటనే స్పందించారు. రాషా ఆడుకోవడానికి వీలుగా ఆ కుక్కపిల్లను రెండు రోజుల పాటు రవీనా టాండన్ ఇంటికి పంపించారు. ఆ రెండు రోజులు 'బ్లూ'తో ఎంతో సంతోషంగా ఆడుకున్నట్లు రాషా గుర్తుచేసుకున్నారు. "ఫోన్లో చాలా ఆప్యాయంగా మాట్లాడతారు" ప్రభాస్తో తనకున్న పరిచయం గురించి చెబుతూ.. తాను ఆయనను నేరుగా తరచుగా కలవకపోయినప్పటికీ, ఫోన్ మ...
